الرئيسية » » و كْسَرتني | لما القيم

و كْسَرتني | لما القيم

Written By Hesham Alsabahi on الثلاثاء، 1 يناير 2019 | 1:26 م



و كْسَرتني..
لا زَعَل
لا غْياب
من كتر ما حَبَّيتني
ما ضلّ عندي بْواب
تا سكّرا
أو ذكّرا
إنّو الفرح كذّاب
وبكّيتني
مانزل منّي دموع
بسّ العُمر مفجوع
كيف هَيك قبلَك شاب
وهَزّيت جوّاتي ألف صورة
ياما كنت زُورا
وجبلا لِعَب وتْياب
وكْسَرْتني
وعَمّرتني من جْديد
سيّجت فيّي العيد
وقلبي رجع قرميد
ناطر سنونو لْ غاب
التعليقات
0 التعليقات

0 comments:

إرسال تعليق

يتم التشغيل بواسطة Blogger.