الرئيسية » » هاك الأغاني ل كانت تبكّي | لما القيم

هاك الأغاني ل كانت تبكّي | لما القيم

Written By Gpp on الأربعاء، 11 أبريل 2018 | أبريل 11, 2018



هاك الأغاني ل كانت تبكّي
وقفت متل شحّاد ع جفوني
فَردِت عْنينا ع الرّمش بلكي
بيحنّ دمعي .. 
بتقطف جنوني
طَيّب تعي إحكيلك حكايه :
كانت شمس ..
وخيوطها مْراجيح ل الضّحكه
وقلبا متل نيسان
كل ما لِعِب فيه الهوا
صَوت العطر يحكي
وكانت إذا فَرْدِت "صباح الخير "
يغطّو عصافير السّما
عَ جْنينةْ "المحكي"
وكانو دكاكين الشِّعر
يتديّنو عْيوني...
من هَيك خانوني!


التعليقات
0 التعليقات

0 التعليقات:

إرسال تعليق

يتم التشغيل بواسطة Blogger.

Follow by Email

Google ads