الرئيسية » » كنا صحاب | من ديوان الوان رغاوى البيرة الساقعة | أمينة عبد الله

كنا صحاب | من ديوان الوان رغاوى البيرة الساقعة | أمينة عبد الله

Written By GPP LTE on الأحد، 4 مارس 2018 | 3:22 ص

               من الوان رغاوى البيرة الساقعة 
(1)
كنا صحاب
           بنخاف على بعض بجد
         ..................
انا وانا
        بنخاف من بعض
        بنجهد بعض طول الوقت
يعنى 
        باحب الحلويات جدا
                  حتى ف الشرب
انا بياكل حوادق
                    مع الخمرة
باحب الخمرة
             انا لازم يكسرها بحاجة تخليها طيف
باحب الكتابة
        انا بيشوفها تافهة طول الوقت
         باروح لحته......وانا بيشدنى
     فعمل بينا ميدان وشوارع فرعية
               ما نفعتش فيها اشارات المرور ,
كل ما اروح لحته اعرفها ...
                يسحبنى لحته ما اعرفهاش
                لغاية ما قررت ..........
                            اقتله .












باكره .....
     المناديل الورق
          فيها دموع عشاق ,
              عرق لقى
    وجيش اطفال ممكن يحتل العالم .
المناديل الورق
        عامية
             ماعندهاش شفقه
             بتمسح كل الحاجات
                        بنفس الحياد
المناديل الورق
         ما تنفعش ذكرى ..
   ما فيهاش كتابة ع الحرف
عليها
         كل غباوة التكنولوجيا .



التعليقات
0 التعليقات

0 comments:

إرسال تعليق

يتم التشغيل بواسطة Blogger.