الرئيسية » » الدروس المستفادة | محمود مطاوع

الدروس المستفادة | محمود مطاوع

Written By Hesham Alsabahi on الثلاثاء، 24 مايو 2016 | 11:12 ص


الدروس المستفادة 1 الخوف مش دايما بيكون عيب والموت أوقات بيكون الحل مش كل السكوت رضا ولا كل البيوت ضل اخطر أمراض هتقابلك مش ضروري تألمك اخطر أوجاع هتقابلك هتقابلك عشان تعلمك 2 البعيد عن العين كان أقرب واحد للقلب مش كل من غاب عنك ناسيك مش كل من قالك بحبك حب مش كل من جنبك كانت إيديه في إيديك مش كل من حضنك في فرحك حضنك عشان فرحان مش كل من غاب عن في حزنك خان مش كل اللي من دمك ليهم نفس القلوب راجع حكاية يوسف إبن النبي يعقوب 3 كل الي فاضل منك يدوب دقايق أو ساعات كل الي جاي هيكون زي اللي فات هتفضل كتير عايش في دوامة التكرار تكرار تكرار وزيادة في حجم الأسرار اللي بتشبه نفس الأسرار السابقة في ناس هتغيب تقول عادي وناس هتغيب تكون فارقة 4 كل اللي حبيتهم تعبوك كل اللي شديتهم سابوك كل اللي حنيتهم عابوك كل اللي فيهم خير لسه مجاش دورهم كل اللي فيهم شر سرقوا مكان غيرهم 5 مش شرط إن علاجك يبقي محتاج لطبيب مش كل مرض بيكون له في الطب دوا مش شرط الراحة من الناس إن إنت تغيب في سعات بنكون بالفعل بعيد وإحنا سوا في حاجات ملهاش عندك تفسير في حاجات تحتاج علطول تغير في حاجات بتكون في إيديك وبدون أسباب في الهوا بتطير في حاجات بتغيب عنك لكن تفضل وياك وحاجات تنساها لكن هي علطول فكراك قوانين الكون ملهاش مقياس وقواعد دايماً فيها شواذ وعشان تتعالج وماترجعش 1.تاخد جرعة " تقليل إحساس " 2. ماتكونش بروح من خامة إزاز 3.وتعود عينك ماتدمعش


التعليقات
0 التعليقات

0 comments:

إرسال تعليق

يتم التشغيل بواسطة Blogger.